Elanlar

Əsas səhifə (home) > Elanlar

list
İnformasiya texnologiyaları sahəsində karyera qurmaq istəyən tələbələrlə görüşlər keçiriləcək	22.12.2016 16:54:41
Rabitə və Yüksək Texnologiyalar Nazirliyinin tabeliyində Elektron Hökumət Təlim-Tədris Mərkəzi tərəfindən mütəmadi olaraq universitet tələbələri ilə görüşlər keçiriləcək. Görüşlərin təşkilində əsas məqsəd tələbələrin informasiya texnologiyalar sahəsinə marağının artırılması və sahə üzrə karyera qurmaq istəyənlərə ətraflı məlumatların verilməsidir. Tələbələrə nazirliyin həyata keçirdiyi layihələr, o cümlədən elektron hökumət həlləri barəsində geniş məlumat veriləcək, onları maraqlandıran suallar cavablandırılacaq. İlk görüşlər bu həftə ərzində baş tutacaq. Belə ki, 22 dekabr saat 11-də Azərbaycan Texniki Universitetinin, 23 dekabr saat 11-də isə Azərbaycan Memarlıq və İnşaat Universitetinin tələbələri öz universitetlərində keçiriləcək seminarlara qatıla bilərlər. “İT karyerasının inkişafı” mövzusunda keçirilən seminarlarda bütün tələbələri gözləyirik.
fayl 20161220111955_itseminar_1.png